Almaniyada nəqliyyat sektorunda xəbərdarlıq tətilləri davam edir
Dünən hava limanlarında olanların ardınca bu gün Almaniyanın bir çox əyalətində tramvay və avtobus kimi şəhər nəqliyyat sektorunda çalışan işçilər xəbərdarlıq tətilinə başlayıblar.
Xəbərdarlıq tətili cümə günü səhər yerli vaxtla saat 03.00-da Birləşmiş Xidmət Sektoru Birliyinin ümummilli tətil çağırışına əməl edən işçilər tərəfindən bir çox digər əyalətlərində olduğu kimi ölkənin ən böyük əyaləti olan Şimali Reyn-Vestfaliyada başlayıb və şənbə günü saat 03.00-a qədər davam edəcək.
KRV əyalətinin ən böyük şəhəri olan Kölndə hər gün minlərlə insanın səyahət etdiyi dayanacaqlar boş qalarkən, tətil səbəbiylə şəhər daxilində tramvay və avtobus xidmətləri fəaliyyət göstərməyib.
İctimai nəqliyyat işləmədiyi üçün məktəbə getmək və ya işə getmək istəyənlər şəxsi avtomobillərindən istifadə edib, sıxlıq səbəbindən digər böyük şəhərlərdə olduğu kimi Kölndə də şəhər nəqliyyatında fasilələr yaranıb.
Xəbərdarlıq tətili səbəbindən Düsseldorf, Bonn və Leverkuzen, eləcə də Köln kimi şəhərlərdə şəhər ictimai nəqliyyatının fəaliyyəti dayanıb.
