Aİ-də Rusiyanın dondurulmuş aktivlərindən əldə olunan gəlirlərlə bağlı razılığa gəliblər
Rusiya Federasiyasının dondurulmuş aktivlərinin Belçikada beynəlxalq "Euroclear" platformasına yenidən investisiya edilməsindən əldə edilən gəlir (bu cür vəsaitlərin əksəriyyəti bloklanır, cəmi191 milyard avrodur) ayrıca uçota alınacaq.
Müvafiq sənədin mətnini nəzərdən keçirən "Financial Times" xəbər verir ki, bu, Avropa Komissiyasının Aİ səfirləri tərəfindən razılaşdırılmış direktivində nəzərdə tutulub.
Buna uyğun olaraq, Aİ ölkələri yekdilliklə “Aİ büdcəsinə Ukraynanı dəstəkləmək üçün bu xalis mənfəətdən formalaşmalı olan maliyyə töhfəsi” barədə qərar qəbul etməlidir. Direktivdə deyilir ki, ödəniş müqavilə öhdəliklərinə, həmçinin Aİ qaydalarına və beynəlxalq hüquqa uyğun olacaq.
Üzv ölkələr həm də mərkəzi depozitarların hüquqi və inzibati xərcləri ödəmək üçün lazım olan vəsaitdən əlavə nə qədər tuta biləcəyini müəyyən edəcəklər. Bu tədbirlərin vaxtı hələ dəqiqləşdirilməyib.
Yaxın həftələrdə rəsmiləşdirilməsi gözlənilən direktivdə Rusiyanın öz maliyyə aktivlərinin müsadirə edilməsi nəzərdə tutulmayıb.
