Fələstin Xarici İşlər Naziri Maliki humanitar fasilənin uzadılmasını istəyib
Fələstinin xarici işlər naziri Riyad əl-Maliki deyib ki, hər kəs İsrail və HƏMAS arasındakı münaqişələrdə humanitar fasilənin davam etməsini təmin etmək üçün çalışır.
Maliki İspaniyanın Barselona şəhərində keçirilən Aralıq dənizi İttifaqı (UUA) 8-ci Regional Forumunda İspaniyanın xarici işlər naziri Xose Manuel Albares ilə birgə mətbuat konfransı keçirib.
"Bu gün Qəzzada atəşkəs üçün son gündür. Bu atəşkəs Qəzzada cəsədlərin çıxarılması, sığınacaq axtarılması, içməli su gətirilməsi, dərman yardımı və elektrik enerjisi ilə təmin olunmasında çox kömək etdi. Amma Qəzzada vəziyyət elə bir fəlakətdir ki, bunu etmək mümkün deyil. Bunu düzəltmək üçün Atəşkəsdən və müharibəni bitirməkdən başqa heç bir həll yolu yoxdur”deyə Maliki bildirib.
İsrailin hücumları zamanı Qəzzada həlak olanların 70 faizinin qadın və uşaqlar olduğunu qeyd edən Maliki, "Cəsədlərin sayılmasını dayandırmalıyıq. Bu belə davam edə bilməz. Bu gün atəşkəsi uzatmaq imkanımız var" deyə o, vurğulayıb.
