İsrail qüvvələri İordan çayının qərb sahilində 47 fələstinlini həbs edib
İsrail qüvvələri İordan çayının qərb sahilinin müxtəlif bölgələrində 47 fələstinlini nəzarətə götürüb.
Fələstin xəbər agentliyi WAFA-nın xəbərində İsrail qüvvələrinin gecə saatlarında işğal altındakı İordan çayının qərb sahilinin Hebron şəhərində ən az 21, Tulkərimdə 14, Beytullahımda 6, Nablusda 4 və Ramallahda 2 fələstinlini nəzarətə götürdüyü bildirilib.
Fələstinli Məhbuslar Dərnəyi dünən verdiyi açıqlamada oktyabrın 7-dən bəri İordan çayının qərb sahilində İsrail qüvvələri tərəfindən nəzarətə alınan fələstinlilərin sayının 2920-yə yüksəldiyini qeyd edib.
İsrail ordusu blokadada olan Qəzza zolağına ağır zərbələr endirərkən, İordan çayının qərb sahilində və Şərqi Qüdsdə də reydlər həyata keçirir və müxtəlif iddialarla fələstinliləri həbs edir.
