Alimlər Sfinksin necə yarandığı ilə bağlı yeni fərziyyə irəli sürüblər
Qədim misirlilər məşhur Sfinksi Xafre Piramidasının qarşısındakı 4500 illik Giza abidəsini sıfırdan deyil, Sfinksə çox bənzəyən təbii xüsusiyyətə görə yaratmış ola bilərlər.
Bu barədə Physical Review Fluids jurnalında yazılıb.
Nyu-York Universitetindən bir qrup yeni araşdırmada yerdən çıxan yardang (küləklə sovrulan dağ silsiləsi) təbii olaraq sfenksəbənzər bir quruluşa çevrilmiş ola biləcəyini irəli sürür.
Tədqiqatçıların fikrincə qədim misirlilər Sfinksi qorxunc formalı qaya parçasından yaratsalar belə, onun bu günə qədər gəlib çatan xarakterik xüsusiyyətlərini diqqətlə nəzərdən keçirməli idilər.
Mütəxəssislər Sfinksin formasını öyrənmək üçün içərisində daha sərt material olan yumşaq gildən bir təpə götürüblər və onu minlərlə illik külək eroziyasını simulyasiya etməli olan sürətlə axan su tunelinə yerləşdiriblər.
Nyu York Universitetinin riyaziyyat üzrə dosenti, baş tədqiqat müəllifi Leif Ristrof Live Science-a verdiyi açıqlamada bildirib ki, təbii eroziya prosesi həqiqətən də başı qaldırılmış vəziyyətdə uzanmış şirə bənzər bir forma yarada bilər.
Eyni zamanda Ristrof qeyd edib ki, Gizada belə bir təbii fiqurun mövcud olma ehtimalına baxmayaraq, onun həqiqətən olub-olmadığını bilmirik.
Ristrofun qeyd etdiyi kimi, belə bir təbii xüsusiyyət mövcud olsaydı belə, qədim misirlilər hələ də dini quruluşu yaratmaq üçün xeyli iş görəcəkdilər.
