Putin İranı müdafiə etdi: Heç bir sübut olmadan ittiham olunur
Yaxın Şərqdə münaqişə kəskinləşərsə, bu, enerji bazarlarına təsir edəcək.
AFN.az xəbər verir ki, bu barədə Rusiya prezidenti Vladimir Putin bildirib.
Onun sözlərinə görə, yaxın gələcəkdə vəziyyəti hansısa yolla sakitləşdirməyin mümkün olub-olmayacağı məlum deyil: "Lakin biz buna çalışmalıyıq, çünki münaqişə zonasının genişlənməsi dəhşətli nəticələrə gətirib çıxara bilər, o cümlədən enerji sektorunda. Əlbəttə, bu cür hərəkətlər vəziyyəti gərginləşdirir. Əgər münaqişə Fələstin ərazilərindən kənara çıxarsa, təbii ki, bunun da təsiri olacaq. İndi eşidirəm ki, İranı həmişə olduğu kimi, heç bir dəlil olmadan bütün ciddi işlərdə ittiham edirlər. Biz görəcəyik, ümid edirəm ki, sağlam düşüncə qalib gələcək", - deyə Putin Rusiya Enerji Həftəsi forumunun plenar iclasında bildirib.
O qeyd edib ki, münaqişənin kəskinləşməsi logistika, sığorta və yük daşımalarına təsir göstərə bilər. “Bu, istehsala təsir etməyəcək, lakin dünyanın enerji bazarlarının vəziyyətini müəyyən edən bütün digər komponentlərə təsir edə bilər. Bunlar tamamilə aşkar şeylərdir” - Rusiya prezidenti vurğulayıb.
