Finlandiya prezidenti Türkiyəyə gəlib

Finlandiya prezidenti Sauli Niinisto Türkiyəyə işgüzar səfər edəcək.
AFN.az Türkiyə mediasına istinadən xəbər verir ki, Sauli Niinistonun səfəri Türkiyə prezidenti Rəcəb Tayyib Ərdoğanın dəvəti ilə 16-17 mart tarixində reallaşacaq.
İstanbulda keçiriləcək görüşlərdə Türkiyə-Finlandiya münasibətlərinin bütün aspektləri nəzərdən keçiriləcək və əməkdaşlığın yaxşılaşdırılması üçün atılacaq addımlar müzakirə olunacaq.
İkitərəfli əlaqələrlə yanaşı, NATO-nun Madrid Zirvə toplantısı çərçivəsində imzalanmış Üçtərəfli Memorandum əsasında Finlandiyanın NATO-ya üzvlük müraciəti, Türkiyə-Avropa İttifaqı münasibətləri, aktual regional və qlobal problemlər ətrafında fikir mübadiləsinin aparılması da nəzərdə tutulub.