Rusiyanın qaz ixracı kəskin azalacaq
2023-cü ildə Rusiya qaz boru kəmərinin uzaq xarici ölkələrə tədarükü 30 faiz azalaraq 70 milyard kubmetrdən artıq olamayaq səviyyəyə düşə bilər.
AFN.az-ın məlumatına görə, Rusiya Yanacaq-Energetika Kompleksinin İqtisadiyyatı Mərkəzinin direktor müavini Sergey Kolobanov belə deyib.
Qeyd edilir ki, “Qazprom”un 2022-ci ildə MDB-dən kənar ölkələrə “mavi yanacaq” ixracı 100,9 milyard kubmetr təşkil edib ki, bu da 2021-ci illə müqayisədə 45,5 faiz (84,2 milyard kubmetr) azdır.
Ötən il Avropaya təbii qaz nəqli əsas “Şimal axını” və balanslaşdırıcı Yamal-Avropa marşrutları üzrə dayandırılıb. Ukrayna vasitəsilə qaz nəqli sistemi üç dəfə azalsa da Asiya istiqamətində - “Sibir Gücü” kəməri ilə Çin istiqamətində artım baş verib.
Hazırda Rusiya Avropaya yanacağı Ukraynanın qaz nəqli sisteminə iki giriş nöqtəsindən biri və Türkiyə vasitəsilə çatdırır. Bunlar “Türk axını” və “Mavi axın” qaz boru kəməridir.
“2023-cü ildə qeyri-MDB ölkələrinə boru kəməri qazının ümumi ixracı 70 milyard kubmetrdən çox ola bilməz”- deyə Kolobanov bildirib.
Ekspert qeyd edib ki, müharibə başlayandan sonra Rusiyada müvafiq gömrük statistikası dərc edilməyib. “Lakin digər ölkələrin “güzgü” məlumatları əsasında hesablanmış hesablamalara görə, 2022-ci ildə Rusiyadan Avropaya qaz ixracı təxminən 64 milyard, Türkiyəyə 13 milyard, Çinə 16 milyard kubmetr təşkil edib.
2023-cü ildə Rusiyanın Avropaya tədarükü çətin ki, 30 milyard kubmetri keçsin. Bu, Ukraynadan keçən cari tranzitin qorunub saxlanması və “Türk axını”nın mövcud gücündə yüklənmənin artması ilə bağlıdır. Bu il “Şimal axını”nın bərpasına və ya “Şimal axını-2”nin qollarından birinin işə salınmasına, ilk növbədə siyasi səbəblərə görə ümid etməyə dəyməz”-Kolobanov əlavə edib.
M.Vahidli
