Peskov: "Rusiya və Ukrayna prezidentlərinin görüşü ilə bağlı anlaşma yoxdur"
“Rəsmi Moskva ilə Kiyev arasında birbaşa danışıqların yeni raundu ilə bağlı anlaşma yoxdur”.
TASS xəbər verir ki, bunu Rusiya Prezidentinin mətbuat katibi Dmitri Peskov aprelin 14-də jurnalistlərə bildirib.
O, TASS-ın müxbirinin Rusiya və Ukrayna prezidentlərinin görüşü ilə bağlı sualına cavabında deyib: “Yox, hələ heç nə yoxdur”.
D.Peskov deyib ki, Rusiya Prezidenti Vladimir Putin ukraynalı həmkarı Volodimir Zelenski ilə görüşdən prinsipial olaraq heç vaxt imtina etməyib.
