Mübariz Mənsimovun saxlanılması xəbəri təsdiqləndi - AÇIQLAMA+YENİLƏNİB
"Palmali" Şirkətlər Qrupunun rəhbəri Mübariz Mənsimovun Türkiyədə saxlanılması xəbəri təsdiqlənib.
Bu barədə APA-nın yerli bürosuna M.Mənsimovun köməkçisi Fidan Quliyeva məlumat verib. O, bildirib ki, hazırda iş adamının İstanbuldakı ofisində polis axtarış aparır.
Türkiyə mətbuatının xəbərinə görə, onu Fetullah Gülenlə bağlı aparılan istintaq çərçivəsində saxlayıblar.
***
Türkiyədə fəaliyyət göstərən azərbaycanlı iş adamı Mübariz Mənsimov saxlanılıb.
AFN Türkiyə mediasına istinadən xəbər verir ki, iş adamı İstanbul Prokurorluğu tərəfindən FETÖ ilə bağlı araşdırma çərçivəsində saxlanılıb.
Hazırda iş adamına məxsus evlərdə axtarış aparıldığı bildirilir.
