Tramp İsrailə təzyiq göstərmək barədə düşünür
Birləşmiş Ştatlar İsrail qoşunlarının Livan ərazisindən çıxarılmasına nail olmaq üçün bu ölkəyə əlavə təzyiq göstərmək imkanlarını nəzərdən keçirəcək.
AFN.az xəbər verir ki, bu barədə ABŞ prezidenti Donald Tramp Livan prezidenti Cozef Aoun ilə görüşü zamanı bildirib.
Görüş Ağ Evin "YouTube" kanalında yayımlanıb.
Vaşinqtonun İsrailə təzyiqi artırmaq ehtimalı ilə bağlı sualı cavablandıran Amerika lideri "Mən buna baxacağam, bu barədə yenicə eşitdim və biz bunu nəzərdən keçirəcəyik" deyə vurğulayıb.
Qeyd olunur ki, bu məsələ ölkənin cənubundakı Zautar əl-Qərbiya şəhərindəki pilot zonada Livan ordusunun mövqelərinin atəşə tutulması xəbərlərindən sonra qaldırılıb.
Bir qədər əvvəl isə Trampın İsrailin baş naziri Binyamin Netanyahu ilə telefon danışığı zamanı İsrail qoşunlarının Suriya və Livandan çıxarılmasına başlamağa çağırdığı bildirilirdi.
Mənbələrin məlumatına görə, Tramp Netanyahuya müraciət edərək "Onlar sizin orada olmağınızı istəmirlər, qoşunları başqa yerə köçürməlisiniz" deyib.
