Bakı–Ağdam–Bakı qatarları bir müddət işləməyəcək
Bakı–Ağdam–Bakı marşrutu üzrə qatarların hərəkətinə müvəqqəti fasilə veriləcək.
AFN.az “Azərbaycan Dəmir Yolları” QSC-yə istinadən xəbər verir ki, qatarların hərəkətinin dayandırılmasına səbəb Yevlax–Bərdə dəmir yolu xəttində həyata keçiriləcək genişmiqyaslı yenidənqurma işləridir.
Məlumata görə, bu marşrut üzrə sonuncu reyslər 9 və 10 may tarixlərində icra olunacaq. Yenidənqurma işləri başa çatdıqdan sonra Yevlaxdan Xankəndiyə qədər uzanan müasir dəmir yolu infrastrukturu formalaşacaq.
