Aİ USAID-in boşluğunu doldurmaq istəyir
Avropa İttifaqı üçüncü dünya ölkələrində ABŞ-ın Beynəlxalq İnkişaf Agentliyinin (USAID) yerini tutmaq niyyətindədir.
AFN.az xarici mediaya istinadən xəbər verir ki, bu barədə qurumun diplomatik xidmətinin rəhbəri Kaja Kallas Aİ İnkişaf Şurasının iclasına gələrkən bildirib.
"Nazirlər USAID-in inkişafa yardım layihələrindən çıxmasının nəticələrini və Aİ-nin onu harada əvəz edə biləcəyini müzakirə edəcəklər. ABŞ-ın geridə qoyduğu boşluğu doldura bilməyəcəyik, lakin biz diqqəti Avropa prioritetlərinə - demokratiya, media azadlığı, insan haqları və demokratiya kimi prioritetlərə yönəldəcəyik", - deyə o bildirib.
Fevralın 3-də Vaşinqton beynəlxalq təşkilatların maliyyələşdirilməsinə xeyli miqdarda vəsait ayıran USAID agentliyinin fəaliyyətini faktiki olaraq dayandırıb. Martın 10-da USAID-in müvəqqəti rəhbəri təyin edilmiş dövlət katibi Marko Rubio bildirib ki, hökumət auditdən sonra agentliyin proqramlarının 83%-ni dayandırıb.
