“TuranBank” “Yaşıl ASAN” proqramı çərçivəsində ekoloji layihəni uğurla başa vurub - VİDEO
Ölkənin aparıcı banklarından biri olan TuranBank ASC, “ASAN Könüllüləri” tərəfindən həyata keçirilən "Yaşıl ASAN" ekoloji proqramı çərçivəsində kağız tullantılarının toplanması və onların təkrar emalına yönəlmiş layihəni uğurla həyata keçirib.
Layihə çərçivəsində TuranBank-ın satış nöqtələri və Baş ofisində təkrar emal üçün xüsusi qutular yerləşdirilib. Bu təşəbbüsün məqsədi ətraf mühitin qorunması, kağız israfının qarşısının alınması və ekoloji məsuliyyət hissinin artırılmasıdır.
Məlumata görə, “Yaşıl ASAN” proqramı çərçivəsində indiyədək 2 200 tondan çox kağız tullantısı toplanaraq təkrar emala göndərilib. Bu sayədə 37 400-dən çox ağacın kəsilməsinin qarşısı alınıb.
TuranBank qeyd edir ki, yaşıllıqların qorunması və artırılması istiqamətində səylərini davam etdirəcək və ekoloji təşəbbüslərdə fəal iştirak edəcək.
TuranBank
Bizimlə etibarlıdır…
