ABŞ-la danışıqlar faydalı keçir - İsmail Bəqayi
Mayın 11-də İran və ABŞ arasında nüvə dosyesi üzrə danışıqlar məhsuldar keçib, tərəflər İranın nüvə proqramına son qoymağı müzakirə etmirlər.
AFN.az xəbər verir ki, bu barədə İslam Respublikası Xarici İşlər Nazirliyinin rəsmi nümayəndəsi İsmail Bəqayi məlumat verib.
O, İranın dövlət televiziya və radio şirkətinin efirində deyib: "İranın nüvə proqramının sonu gündəmdə deyil. Biz keçmiş təcrübədən öyrənmişik və bilirik ki, hansı tədbirlər görülməlidir. Baş tutan danışıqlar faydalı oldu" - deyə Bəqayi bildirib.
"Əvvəldən - həm danışıqlar başlamazdan əvvəl, həm də onların aparılması zamanı - biz zəruri hesab etdiyimiz bütün tərəflərlə əlaqə saxladıq. Biz həm Fars körfəzinin o tayında, həm də Şərq və Qərbdə qonşu ölkələrlə, o cümlədən Türkiyə və Pakistanla, eləcə də Birgə Hərtərəfli Fəaliyyət Planının iştirakçıları ilə - Rusiya və Çinlə əlaqə saxladıq. Biz onların səfirləri ilə də əlaqə saxlamışıq, bu proses müntəzəm olaraq davam edəcək”, - diplomat əlavə edib.
