ÜST: Qlobal yardımın maliyyələşdirilməsinin kəsilməsi səhiyyə xidmətlərini axsadır
Ümumdünya Səhiyyə Təşkilatının (ÜST) baş direktoru Tedros Adhanom Qebreyesus qlobal yardım fondunun kəsilməsi ölkələrdə səhiyyə xidmətlərinin dayandırdığını və bəzi ölkələrdə səhiyyə müəssisələrinin bağlandığını bildirib.
Ümumdünya Səhiyyə Təşkilatının (ÜST) baş direktoru Tedros Adhanom Qebreyesus ÜST-nin həftəlik mətbuat konfransında qiymətləndirmələr edib.
Qlobal yardım fondlarının sağlamlıq sahəsində kəsilməsinin təsirinə işarə edən Qebreyesus "ÜST qlobal yardım fondunun kəsilməsinin təsirini anlamaq üçün 100-dən çox ölkədən rəy toplayıb və dəstək ölkələrin bunun gətirdiyi neqativləri azaltmalıdır. ÜST-ün ölkə ofislərinin 4-də 3-ü səhiyyə xidmətlərində ixtisarların olduğunu və hər 4-də 1-i səhiyyə müəssisələrinin bağlandığını bildirir" deyib.
Qebreyesus səhiyyə və qayğı işçiləri üçün iş yerlərinin itirilməsi, informasiya sistemlərində, dərman və sağlamlıq məhsullarının tədarükündə nasazlıqların da bildirildiyini və buna cavab olaraq ölkələrin səhiyyə ilə bağlı büdcələrini nəzərdən keçirdiklərini, xərcləri azaltdıqlarını, maliyyə vəsaitlərinin toplanması və tərəfdaşlıqlarını gücləndirdiklərini bildirib.
ÜST-ün illərdir ölkələrlə işlədiyini xatırladan Qebreyesus bu qəfil və planlaşdırılmamış fasilələrin sağlamlığa təsirlərinin qarşısını almaq üçün hazırda ölkələrə dəstək olduqlarını qeyd edib.
Qebreyesus həmçinin ölkələri ən yoxsullara üstünlük verməyə, ictimai səhiyyə xərclərinin azaldılmasına müqavimət göstərməyə və səhiyyə xidmətlərinin kəsilməsindən və ya müəssisələrin bağlanmasından çəkinməyə və səhiyyə texnologiyasını gücləndirməyə çağırıb.
