Papa İraqa səfəri zamanı iki sui-qəsd cəhdindən sağ çıxdığını açıqlayıb
Katoliklərin ruhani lideri və Vatikanın prezidenti Papa Fransisk 2021-ci ildə İraqa səfəri zamanı iki sui-qəsd cəhdindən sağ çıxdığını açıqlayıb.
İtaliyanın ANSA agentliyinin xəbərinə görə, Papa Fransisk gələn il “Spera” adı ilə nəşri gözlənilən tərcümeyi-halında uşaqlığından yaxın zamanlara qədər xatirələrini toplayıb.
Papanın kitabında qeyd etdiyi diqqətəlayiq hal hazırda 5-8 mart 2021-ci il tarixlərində İraqa səfəri və bu səfər zamanı sui-qəsd cəhdləri olub.
Papa Fransisk öz tərcümeyi-halında "İraq polisi İngilis məxfi xidmətlərindən alınan məlumata əsasən Vatikan Jandarmını xəbərdar etdi: Partlayıcılarla dolu gənc kamikadze qadın özünü partlatmaq üçün Mosula gedirdi. Eyni məqsədlə yola çıxan mikroavtobus da sürətlə irəliləyirdi, ancaq səyahət davam etdi" qeyd edib.
Katoliklərin ruhani lideri İraq səfərinin Mosul ayağında jandarmaya iki hücumçu ilə bağlı sual verdiyini ifadə edərək, "Jandarmadan bu iki hücumçu haqqında nə bilindiyini soruşdum. Komandir qısa cavab verdi: "Onlar artıq yoxdur. İraq polisi onların qarşısını kəsərək partladıb. Bu, müharibənin zəhərli bəhrələrindən biri idi" bildirib.
Qeyd edək ki, Papa Fransisk İraqa səfəri ilə tarixdə bu ölkəyə səfər edən ilk Papa olub.
