Papa Fransisk sentyabrda Cənub-Şərqi Asiya ölkələrinə səfər edəcək
Katoliklərin ruhani lideri və Vatikanın prezidenti Papa Fransisk sentyabrda 4 Cənub-Şərqi Asiya ölkəsinə səfər edəcək.
Vatikanın mətbuat xidmətinin rəhbəri Matteo Bruni açıqlamasında, müvafiq dövlət başçılarının və kilsə səlahiyyətlilərinin dəvətinə cavab olaraq Papa Fransiskin 2-13 sentyabr tarixləri arasında İndoneziyaya, Papua Yeni Qvineyaya, Şərqi Timora və Sinqapura apostol səfəri edəcəyini bildirib.
Bruni Papanın 3-6 sentyabrda Cakartaya, 6-9 sentyabrda Port Moresbi və Vanimoya, 9-11 sentyabrda Diliyə, 11-13 sentyabrda Sinqapura səfər edəcəyini qeyd edib.
Son zamanlar müxtəlif sağlamlıq problemləri ilə üzləşən Papa son xarici səfərini 2023-cü ilin sentyabrında Fransada keçirilən “Aralıq dənizi görüşləri” tədbiri üçün Marselə edib.
Qeyd edək ki, Papa Fransisk 2023-cü ilin dekabrında Dubayda keçirilən Birləşmiş Millətlər Təşkilatının (BMT) İqlim Dəyişikliyi üzrə Çərçivə Konvensiyasının 28-ci Tərəflər Konfransına (COP28) qatılacağını, lakin qripə yoluxduğu üçün iştirak edə bilməyəcəyini açıqlamışdı.
