Honq Konq 140 ilin ən isti aprelini yaşadı
Çinin Honq-Konq Xüsusi İnzibati Bölgəsi 1884-cü ildə meteoroloji qeydlər başlayandan bəri ən isti apreli yaşayıb.
Honq Konq Rəsədxanasının verdiyi açıqlamaya görə, aprel ayında orta temperatur 26,4 dərəcə selsi olaraq ölçülüb.
Bu, meteoroloji qeydlərdə son 140 ildə ən isti aprel kimi qeydə alınıb.
Subtropik iqlim zonasında yerləşən Honq-Konqda bu ilin qış və yaz aylarında temperatur göstəriciləri mövsümi normalardan yüksəkdir.
Aprelin 27-də şəhərdə orta sutkalıq temperatur 28,8 dərəcə selsi ilə bütün zamanların ən yüksək səviyyəsinə çatıb.
Honq Konqda 1990-2020-ci illər arasında aprel ayında orta temperatur 21,1 ilə 25,6 dərəcə selsi arasında ölçülüb.
