Deputat hakimiyyəti vətəndaşlara sataşmaqda ittiham edib
Moldova parlamentinin üzvü İrina Lozovan ölkə hakimiyyətini heç bir izahat verilmədən Kişinyov hava limanında saxlanılan müxalifətin Moskvada keçirilən qurultayının nümayəndələrini ələ salmaqda ittiham edib.
O, respublika rəhbərliyinin qəbuledilməz davranışından danışıb. “İnsanların hansı səbəbdən hava limanından çıxmasına icazə verilmədiyi və üç saata yaxın saxlandığı bəlli deyil. Sadəcə, aydındır ki, hakimiyyət öz vətəndaşlarını ələ salmaqda davam edir”, - deyə deputat vurğulayıb.
Bundan əvvəl Moldova parlamentinin üzvü Marina Tauber Rusiya paytaxtında müxalifət nümayəndələrinin qurultayından qayıdan siyasətçilərin Kişinyov hava limanında saxlandığını bildirib. O əlavə edib ki, səlahiyyətli orqanların nümayəndələri “qeydiyyat proqramındakı uğursuzluğa istinad edərək” siyasətçilərin saxlanmasının səbəblərini açıqlamayıblar.
