Apple Amazondan "dünyanın ən qiymətli markası" taxtını geri aldı
Brand Finance-in "Dünyanın 500 Ən Dəyərli Markası" araşdırmasında keçən il taxtını Amazona itirən Apple bu il 516,6 milyard dollarlıq marka dəyəri ilə yenidən birinci yerə çıxıb.
Beynəlxalq brend qiymətləndirmə təşkilatı Brand Finance tərəfindən hazırlanan "Global500 - Dünyanın 500 Ən Dəyərli Brendləri 2024" araşdırması yekunlaşıb.
AA müxbirinin araşdırma məlumatlarına görə, dəyərini keçən illə müqayisədə 74 faiz artıraraq 516,6 milyard dollara yüksəldən Apple, "dünyanın ən dəyərli markası" olub. Apple ən yaxın izləyicisini 176,2 milyard dollar üstələyib. 2021 və 2022-ci illərdə siyahıda birinci olan Apple, keçən il taxtını Amazon qarşısında itirmişdi.
Apple-ı təqribən 340,4 milyard dollar brend dəyəri ilə Microsoft və 333,4 milyard dollarla Google izləyir.
Sözügedən siyahıda Amazon 308,9 milyard dollarla 4-cü, Samsung 99,4 milyard dollarla 5-ci, pərakəndə satış şirkəti Walmart 96,8 milyard dollarla 6-cı, Tiktok 84,2 milyard dollarla 7-ci, Facebook 75,7 milyard dollarla 8-ci, Deutsche Telekom 73,3 milyard dollarla 9-cu, Çin Bankı ICBC isə 71,8 milyard dollarla 10-cu yerdə qərarlaşıb.
