Şimali İraqda 3 türk hərbçisi şəhid olub, 4 nəfər isə yaralanıb
Türkiyə Milli Müdafiə Nazirliyi İraqın şimalında separatçı terror təşkilatı üzvlərinin həyata keçirdiyi hücumda 3 əsgərin şəhid olduğunu, 4 əsgərin isə yaralandığını açıqlayıb.
Terrorçuların qaçış istiqamətlərinə qarşı həyata keçirilən hava əməliyyatlarında ilkin təsbitlərə görə 4 terrorçu zərərsizləşdirilib.
"Bu gün İraqın şimalında separatçı terror təşkilatı üzvlərinin həyata keçirdiyi hücum və sonrakı təmasda 3 qəhrəman yoldaşımız şəhid olub, 4 qəhrəman yoldaşımız isə yaralanıb. Separatçı terrorçulara qarşı əməliyyatlar davam edir. Müəyyən edilmiş hədəflərə və terrorçuların qaçış istiqamətlərinə qarşı qəfil hava əməliyyatları həyata keçirilir. İlkin təsbitlərə görə, 4 terrorçu zərərsizləşdirilib" - deyə nazirliyin açıqlamasında bildirilir.
