Yaponiya sahillərində vulkandan püskürən kül Tokio ətrafındakı əraziyə çatıb
Yaponiyanın şərq sahillərində püskürən vulkandan yayılan kül və qaya parçaları Tokionun cənubundakı Nii-cima adasının yaxınlarına çatıb.
Yaponiya Sahil Mühafizəsi tərəfindən ötən həftə püskürən vulkanla bağlı yayımlanan görüntülərdə külün 200 metr hündürlüyə çatdığı partlayışdan sonrakı anlar əks olunub.
Bildirilib ki, vulkandan püskürən kül və qaya parçaları Tokionun cənubundakı Nii-jima adasının yaxınlığına çatıb.
Tokiodan 163 kilometr cənubda yerləşən Nii-jima adası Şizuoka prefekturasının sahillərindən 40 kilometr aralıda yerləşir.
İnzibati cəhətdən Tokio Böyükşəhər Qubernatorluğuna bağlı olan İzu arxipelaqlarından biri olan 23 kvadrat kilometrlik adada təxminən 2600 insan yaşayır.
Qeyd olunub ki, püskürən vulkan 10 il əvvəl okeanın təbii hərəkətləri nəticəsində əmələ gələn adada yerləşir.
