ABŞ-ın Suriyadakı daha bir bazasına hücum edildi
ABŞ-ın Suriyadakı Əl -Şəddadi bazası dronlarla hücuma məruz qalıb.
AFN.az xəbər verir ki, bu barədə "Al Mayadeen" telekanalı məlumat yayıb .
Əl-Şəddadi bazası Suriyanın şimal-şərqində, Həsəkə vilayətində yerləşir.
Bildirilir ki, zərbə “müqavimət qüvvələri” tərəfindən həyata keçirilib və onlar kanalın əməkdaşlarına nəzərdə tutulan hədəflərin vurulduğunu bildiriblər.
Bundan əvvəl Al Mayadeen telekanalı ABŞ-ın Suriyadakı bazasına 15 raketlə hücum edildiyini xəbər vermişdi. Baza Suriyanın şərqindəki Deyr əz-Zor əyalətindəki Koniko neft yatağında yerləşir. Ümumilikdə ABŞ-ın Suriya Ərəb Respublikasında 24 bazası var.
Oktyabrın 27-də ABŞ prezidenti Co Bayden ABŞ qüvvələrinə qarşı hücumlara cavab olaraq Suriyadakı İran hədəflərinə zərbə endirmək əmri verib.
Eyni zamanda, ABŞ Dövlət Departamentinin rəhbəri Antoni Blinken ABŞ-ın İranla müharibə istəmədiyini, lakin amerikalılara hücum olarsa, cavab verəcəyini vurğulayıb .
