İspaniyada bir evin qiymətinə kənd almağı təklif edirlər
İspaniyada bir evin qiymətinə bütöv bir kənd satışa çıxarılıb.
Bu barədə "Euronews" xəbər verib.
Söhbət ölkənin şimal-qərbində, Portuqaliya ilə sərhədə yaxın biosfer qoruğunun mərkəzində yerləşən Salto de Kastro kəndindən gedir. Yaşayış məntəqəsi 1940-cı illərdə, yaxınlıqda bənd tikən işçiləri mənzillə təmin etmək zərurəti yarananda yaranıb. 1989-cu ildə iş yeri olmadığından orada bir nəfər də olsun sakin qalmamışdı. Yeni sahibə 44 ev, bar, kilsə, aptek, idman meydançası, köhnə kazarma və polis bölməsi veriləcək. Bundan əlavə, o, ildə 135 gün günəş işığından həzz almaq və Duero çayının mənzərələrinə heyran olmaq imkanı əldə edəcək.
Hazırkı sahibi, iş adamı, 2022-ci ildə ilk dəfə mülkündən qurtulmaq qərarına gəldi, kəndi zərərlə 260 min avroya satmağı planlaşdırdı. Bu Barselonada bir mənzilin orta qiymətindən ucuz deməkdir. O, özü kəndi turistik məkana çevirmək məqsədi ilə təxminən 300 min avroya alıb. Sahib olduğu müddətdə bəzi memarlıq işlərini tamamlaya bilib, lakin inkişafı başa çatdıra bilməyib. Lakin yuxarıda göstərilən məbləğə alıcı tapa bilməyiblər və bir il sonra iş adamı qiyməti 580 min avroya (təxminən 56,6 milyon rubl) qaldırıb.
