Lavrov sülhməramlılardan yazdı: Bakı və İrəvan bu məsələni öz aralarında həll edib
Qarabağdakı Rusiya sülhməramlı kontingenti ABŞ və Aİ qeyri-sabitlik səpdiyi bir vaxtda Cənubi Qafqazda dinc həyatın bərqərar olmasına kömək etməyə hazırdır.
AFN.az xəbər verir ki, bu barədə Rusiyanın xarici işlər naziri Sergey Lavrovun “BMT Nizamnaməsinin prinsiplərinə bütövlükdə uyğunluq və qarşılıqlı əlaqə beynəlxalq sülh və sabitliyin açarıdır” məqaləsində deyilir.
"İndi Brüssel öz geosiyasi ambisiyalarının qayğısına qalaraq öz "vasitəçilik xidmətlərini" Azərbaycan və Ermənistana yükləyir, Vaşinqtonla birgə Cənubi Qafqazda sabitliyin pozulmasına səbəb olur.
Bakı və İrəvan liderləri qarşılıqlı tanınma məsələsini öz aralarında həll ediblər. İki ölkənin suverenliyinə görə, dinc həyat qurmağın, etimadın qurulmasının vaxtı çatıb. Rusiya sülhməramlı kontingenti buna hər cür töhfə verməyə hazırdır”, - Rusiya XİN rəhbəri vurğulayıb.
