Liviyada daşqınlar nəticəsində 2 mindən çox insan həyatını itirib
Liviyanın şərqində, Orta Aralıq dənizində baş verən "Daniel" qasırğasının yaratdığı sel fəlakətində həyatını itirənlərin sayı 2 mini keçib.
AFN.az xəbər verir ki, bu haqda Liviyanın baş naziri Dibeybe danışıb və beynəlxalq aləmə yardım çağırışı edib.
Baş nazir ölkənin şərqinə təsir edən təbii fəlakətdə 2 mindən çox insanın öldüyünü, 7 minə yaxın insanın itkin düşdüyünü açıqlayıb.
Paytaxt Tripolidə növbədənkənar Nazirlər Şurası keçirilib. Ölkədə üç günlük matəm elan edilib, bayraqlar yarıya qədər endirilib.
Fırtınadan ən çox Cəbəl əl-Əhdar və Tukra bölgələri zərər çəkib.
Əl Bayda, Sus, Əl-Mərc və Derna şəhərləri su altında qalıb. Fövqəladə vəziyyət elan edilən ərazilərdə komendant saatı tətbiq edilib. Təhsil müəssisələri və bir çox iş yerləri bağlanıb.
