Bağçaların təhvil-təslim prosesi martda yekunlaşdırılacaq - RƏSMİ
"Bağçaların təhvil-təslim prosesinin mart ayında yekunlaşdırılması nəzərdə tutulub".
Bunu Təhsil Nazirliyinin Ümumi təhsilin təşkili və idarə olunması şöbəsinin müdiri Elnur Əliyev deyib.
O bildirib ki, dövlət məktəbəqədər təhsil müəssisələrinin təhvil-təslim prosesi davam edir: "Mart ayında bu prosesin yekunlaşdırılması nəzərdə tutulub".
Xatırladaq ki, Prezident İlham Əliyev “Azərbaycan Respublikası Prezidentinin “Azərbaycan Respublikası Təhsil Nazirliyinin strukturunun təsdiq edilməsi haqqında” 2010-cu il 27 dekabr tarixli 1251 nömrəli və “Azərbaycan Respublikası Təhsil Nazirliyinin strukturunun təkmilləşdirilməsi haqqında” 2014-cü il 24 iyul tarixli 664 nömrəli sərəncamlarında dəyişiklik edilməsi barədə”, “Dövlət məktəbəqədər təhsil sistemində idarəetmənin təkmilləşdirilməsi haqqında” sərəncamlar imzalayıb.
