Sumqayıtda avtomobil piyadanı vuraraq öldürüb
Sumqayıt şəhərində yol qəzası olub.
Bu barədə AFN-ə Daxili İşlər Nazirliyinin (DİN) Mətbuat xidmətindən məlumat verilib.
Bildirilib ki, fevralın 27-si saat 23 radələrində şəhərin 11-ci mikrorayon ərazisində şəhər sakini O.Məmmədov idarə etdiyi “BMW” markalı avtomobillə yolu keçən həmyerlisi B.Əliyevi vurub. Nəticədə piyada aldığı xəsarətlərdən hadisə yerində ölüb.
Sumqayıt Şəhər Polis İdarəsi tərəfindən araşdırma aparılır.
