Dövlət bu ailələrə 225 AZN sosial yardım ödədi
Əmək və Əhalinin Sosial Müdafiəsi Nazirliyi aztəminatlı ailələrə iyun ayı üzrə ünvanlı dövlət sosial yardımlarının ödənişini həyata keçirib.
Əmək və Əhalinin Sosial Müdafiəsi Nazirliyindən AFN-ə verilən məlumata görə, ünvanlı sosial yardım vəsaitləri həmin yardım təyin olunmuş ailələri təmsil edən şəxslərin hesablarına köçürülüb.
Hazırda 84 100 ailə (350 mindən çox ailə üzvü) ünvanlı sosial yardımla təmin olunur.
Bu yardımı alan ailələrin sayı təkcə iyun ayında 1000-dən çox ailə artıb.
Hər ailəyə ayda orta hesabla 225 manatdan çox ünvanlı sosial yardım ödənilir.
