Həbs olunan sabiq icra başçıları bir-biriləri ilə görüşə bilərlər
"Həbs olunan sabiq icra başçıları bir-biriləri ilə görüşə bilərlər”.
Bunu Qaynarinfo-ya açıqlamasında hüquq müdafiəçisi Novella Cəfəroğlu Ağstafa, Yevlax, Neftçala, Biləsuvar və İmişli rayonlarının həbs olunan icra başçılarından danışarkən deyib. Onun fikrincə, sabiq icra başçılarının görüşü yalnız məhkəmədən sonra baş tuta bilər:
"Həbs olunan 5 rayonun icra başçıları ay-ayrı yerlərdə saxlanılır. Onların əməlləri birdir -hamısı rüşvətxorluq maddəsi ilə həbs olunub. Hələ ki, həbs olunublar, istintaq gedir və bu müddətdə onların görüşməsi mümkün deyil. Məhkəmədən sonra ola bilər ki, onlar eyni kalona, yaxud da ayrı-ayrı kalonlara düşsünlər”.
Qeyd edək ki, 5 rayonun - Ağstafa, Yevlax, Neftçala, Biləsuvar və İmişli rayonlarının icra başçıları rüşvət və koorupsiyya faktları əsasında kabinetlərində həbs olunub və buna görə vəzifələrindən azad edilib.
