ETSN-də Böyük Britaniyanın Azərbaycan üzrə ticarət elçisi ilə görüş keçrilib
Ekologiya və Təbii Sərvətlər Nazirliyində Böyük Britaniyanın Baş nazirinin Azərbaycan üzrə ticarət elçisi xanım Baronessa Emma Nikolsonun rəhbərlik etdiyi nümayəndə heyəti ilə görüş keçirilib.
Ekologiya və Təbii Sərvətlər Nazirliyinin mətbuat xidmətindən AFN-ə verilən məlumata görə, görüşdə plastik tullantıların ətraf mühitə mənfi təsirinin azaldılması, tullantıların idarə olunması sisteminin təkmilləşdirilməsi və əhalinin bu sahədə maarifləndirilməsi istiqamətində Azərbaycanda görülən işlər barədə məlumat verilib. Eyni zamanda bərpa olunan enerji istehsalının artırılması, dünyada az karbonlu enerjiyə keçidlə bağlı məsələlər müzakirə olunub.
