Qənirə Paşayeva türk gəncliyinə çağırış etdi - FOTOLAR
Türkiyənin Gəncədəki konsulluğunda Nuru Paşanın başçılığı altında Qafqaz Türk İslam Ordusunun Azərbaycana dəstəyə gəlməsinin və Bakının işğaldan azad edilməsinin 101-ci ildönünü münasibətilə tədbir keçirilib.
Tədbir iki qardaş dövlətin himnlərinin səslənməsi və şəhidlərimizin xatirəsinin 1 dəqiqəlik sükutla anması ilə başladı. Tədbiri açan Türkiyənin Gəncədə baş konsulu Zəki Öztürk bu günün tarixi önəmindən danışaraq, Qafqaz Türk İslam Ordusunun Azərbaycana dəstəyə gəlməsinin və o tarixi hadisənin tariximzdə yeri və rolu barədə geniş danışdı, bu cür tədbirləri keçirməkdə məqsədimiz gənc nəsillərimizin tarixi daha dərindən bilməsi və şəhidlərimiz qarşısında bir vəfa borcunu, örnəyini nümayiş etdirməkdir dedi. Tədbirdə çıxış edən millət vəkili Pərvin Kərimzadə və Gəncə şəhər icra başçının müavini Vəfa Abbasova çıxış edərək 15 sentyabr tarixinin əhəmiyyəti, Türkiyə-Azərbaycan dostluq və qardaşlıq münasibətlərindən danışdı. Milli Məclisin deputatı, “Avrasiya Beynəlxalq Araşdırmalar İnstitutu” İctimai Birliyinin sədri Qənirə Paşayeva bildirdi ki, zamanında Azərbaycanı xilas etməyi qardaşlıq borcu bilən qəhrəman Nuru Paşaya mənəvi borcumuzu vermək həm də bir vicdan borcudur. O deyib: “Bakının işğaldan azad edilməsi böyük tarixi hadisədir. Bu hadisə xalqımızın tarixində mühüm rol oynayıb.Qafqaz Türk İslam Ordusu Azərbaycana gəlib, Azərbaycanın igid oğulları ilə birlikdə Bakını erməni daşnakları və bolşeviklərdən xilas edib. Nuri Paşanın komandanlığı altında Qafqaz Türk İslam Ordusu daim ehtiramla xatırlanıb, bundan sonra da xatırlanacaq. Biz həmişə onların ruhları qarşısında baş əyir, xatirələrini dərin hörmətlə anırıq. Bu, Türkiyə-Azərbaycan qardaşlığının ən bariz nümunəsidir.” Azərbaycanın ümummilli lideri Heydər Əliyevin “Azərbaycan və Türkiyə bir millət, iki dövlətdir”, Azərbaycan Prezidenti İlham Əliyevin “Türkiyənin gücü Azərbaycanın, Azərbaycanın gücü Türkiyənin gücüdür” düşüncəsini xüsusi vurğulayan Qənirə Paşayeva çıxışında Azərbaycan-Türkiyə qardaşlığı, münasibətlərinin daha da güclənməsi istiqamətində aparılan dövlət siyasəti nəticəsində daha da yüskək səviyyəyə çatmaqdadır dedi. Millət vəkili Q.Paşayeva gənclərimizi ortaq tariximizi dərindən öyrənməyə və təbliğ etməyə də çağırıb. Millət vəkili Q.Paşayevanın dəvətilə Nuru Paşanın başçılığı altında Qafqaz Türk İslam Ordusunun Azərbaycana dəstəyə gəlməsinin və Bakının işğaldan azad edilməsinin 101-ci ildönünü münasibətilə tədbirlərdə iştirak etmək üçün ölkəmizə səfər etmiş “Türkiyə” qəzetinin yazarı Məryəm Aybikə Sinan, Əhməd Yasəvi Vəqfinin başqanı Fatma Sönməz, “Ötükən” nəşriyyatının başçısı Ayşəgül Büşra Çalık, araşdırmaçı Neslihan Kabaklı çıxış edərək Türkiyə-Azərbaycan qardaşlığından, tarixin bütün dövrlərində qan qardaşlarının bir-birinin yanında olduqlarından, ən çətin zamanlarda bir-birinə dayaq olduqlarından bəhs etdilər. Sonra Nuru Paşanın başçılığı altında Qazqaz Türk İslam Ordusunun Azərbaycana dəstəyə gəlməsi və Bakının işğaldan azad edilməsi ilə bağlı keçirilən tədbir çərçivəsində millət vəkilləri Qənirə Paşayeva, Pərvin Kərimzadə, Türkiyənin Gəncədəki baş konsulu Zəki Öztürk və xanımı, konsulluğun əməkdaşları Nuru Paşanın başçılığı altında Qafqaz Türk İslam Ordusunun Azərbaycana dəstəyə gəlməsi və Bakının işğaldan azad edilməsi ilə bağlı tədbirdə iştirak üçün millət vəkili Q.Paşayevanın dəvətilə ölkəmizə səfər etmiş qardaş Türkiyənin bir qrup aydın qadınları Meryem Aybike Sinan, Fatma Sönmez, Ayşəgül Büşra Çalık və Neslihan Kabaklı Gəncədə “Azərbaycan Xalq Cümhuriyyəti Muzeyi”ni ziyarət ediblər. Azərbaycan Xalq Cümhuriyyətinin ilk paytaxtı olmuş Gəncə şəhərində Cümhuriyyətin Nazirlər Kabinetinin fəaliyyət göstərdiyi binada açılan bu muzeydə AXC qurucuları, onların həyat və siyasi fəaliyyətlərini əks etdirən məlumat və fotoşəkilləri də nümayiş olunan eksponatlar ilə tanış olublar. Daha sonra Cavad Xan türbəsi, Gəncə İmamzadə kompleksi, dahi Nizami Gəncəvinin məqbərəsi və Türkiyənin Gəncədəki konsulluğu ziyarət edilib.
