Avstraliya İran İslam İnqilabı Keşikçilər Korpusunu "terrorizmin sponsoru” elan edib
Avstraliya İranın İslam İnqilabı Keşikçilər Korpusunu (İİKK) dövlət terrorizminin sponsoru elan edib.
Qərar Korpusun Avstraliyadakı yəhudi icmasına hücumları təşkil etdiyi barədə kəşfiyyat qiymətləndirməsinə əsaslanır.
AFN.az "Reuters"ə istinadən xəbər verir ki, bunu Avstraliyanın xarici işlər naziri Penny Vong bildirib.
Avqust ayında Avstraliya İranı Sidney və Melburnda baş vermiş iki antisemit yanğın hadisəsini təşkil etməkdə ittiham etmiş və Təbrizin səfirinə ölkəni yeddi gün ərzində tərk etməsi barədə göstəriş vermişdi. Bu, İkinci Dünya Müharibəsindən bəri Avstraliyadan edilən ilk diplomatik qovulmadır.
İran Xarici İşlər Nazirliyi bu qərarı qeyri-ədalətli və təhqiredici adlandıraraq pisləyib. Nazirlik bəyan edib ki, Avstraliya İsrailin təsiri altında hərəkət edərək, Qəzza bölgəsində baş verən soyqırımı diqqətdən yayındırmağa çalışır.
Tehran həmçinin Avstraliyadakı antisemit hücumlarda iştirak etməsi barədə ittihamları rədd edərək, onları tamamilə yalan və uydurma adlandırıb.
