Çində ŞƏT-in iclası başladı
Çinin Tiencin şəhərində Şanxay Əməkdaşlıq Təşkilatının (ŞƏT) Dövlət Başçıları Şurasının iclası işə başlayıb.
Xarici KİV-in məlumatına görə, toplantını Çin Xalq Respublikasının Sədri Si Cinpin açıb. İclasda təşkilata üzv ölkələrin dövlət başçıları, müşahidəçi və tərəfdaş dövlətlərin nümayəndə heyətləri iştirak edirlər.
Görüşdə regional təhlükəsizlik, iqtisadi əməkdaşlıq, nəqliyyat-logistika əlaqələrinin genişləndirilməsi və enerji sahəsində qarşılıqlı fəaliyyət kimi məsələlərin müzakirə olunacağı gözlənilir.
Qeyd edək ki, ŞƏT 2001-ci ildə yaradılıb və hazırda təşkilatın üzvləri arasında Çin, Rusiya, Hindistan, Pakistan, Qazaxıstan, Qırğızıstan, Tacikistan, Özbəkistan, İran və Belarus yer alır.
