İsrail: Atəşkəsdən sonra İran raket atdı
İsrail ordusu atəşkəsin qüvvəyə minməsindən sonra İranın İsrailə raket hücumu başladığını iddia edib.
Ordunun yaydığı açıqlamada İran ərazisindən İsrailə yeni raket atışlarının qeydə alındığı bildirilib.
İrandan atıldığı iddia edilən raketlərə görə vətəndaşlara sığınacaqlardan çıxmamaq çağırışı edilən açıqlamada ikinci bildirişə qədər insanların qorunan yerlərdə qalmasının vacibliyi vurğulanıb.
Hava hücumundan müdafiə sistemlərinin raketləri zərərsizləşdirməyə çalışdığı qeyd olunan açıqlamadan sonra, xüsusilə Hayfa şəhəri başda olmaqla İsrailin şimal bölgəsində hava həyəcan siqnalları səslənib.
İsrail mətbuatı İrandan 2 raket buraxıldığını və bunların hava hücumundan müdafiə sistemləri tərəfindən zərərsizləşdirildiyini iddia edib. Xəbərdə həmçinin İsrailin şimalında heç bir obyektin vurulmadığı qeyd olunub.
Digər tərəfdən İsrail ordusu bir müddət sonra əhaliyə sığınacaqlardan çıxa biləcəklərini elan edib.
