Ermənistan Rusiyaya etiraz notası göndərdi
Ermənistan rusiyalı televiziya aparıcısı Vladimir Solovyovun səsləndirdiyi fikirlərlə bağlı Rusiya Federasiyasına etiraz notası təqdim edib.
AFN.az xəbər verir ki, bu barədə Ermənistanın xarici işlər naziri Ararat Mirzoyan parlamentdə çıxışı zamanı məlumat verib.
Nazir qeyd edib ki, Rusiya ictimaiyyətində tanınan şəxslərin Ermənistanla bağlı “qərəzli və yolverilməz bəyanatları” Xarici İşlər Nazirliyi tərəfindən narahatlıqla qarşılanıb və buna görə Moskva tərəfinə rəsmi nota ünvanlanıb.
