Tramp: Heç kimin bilmədiyi silahlarımız var
ABŞ prezidenti Donald Tramp tariflərdən sonra "ticarət müharibəsindən kənarda eskalasiya" narahatlıqları ilə bağlı "Bu ölkə çox güclüdür. Heç kimin bilmədiyi silahlarımız var" deyib.
Tramp dünən axşam Oval kabinetdə keçirilən prezident fərmanının imzalanma mərasimindən sonra mətbuat mənsublarının gündəmlə bağlı suallarını cavablandırıb.
Tramp Çin prezidenti Si Cinpini ağıllı adam adlandırıb və sonda çox yaxşı bir razılaşma əldə edəcəklərini bildirib. "Si nə etmək lazım olduğunu dəqiq bilən adamdır. O, ölkəsini sevir və məncə, razılaşmaq istəyəcək. Düşünürəm ki, bu baş verəcək. Nə vaxtsa bizə telefon zəngi gələcək və hər şey hazır olacaq" deyib.
"Ticarət müharibəsindən kənarda eskalasiyadan narahatsınızmı?" sualına Tramp, "Biz çox güclüyük. Bu ölkə çox güclüdür. İnsanların anladığından da çox güclüdür. Bizim heç kimin nə olduğunu bilməyən silahlarımız var və dünyada ən güclü silahlarımız heç kimdə belə güclü silah yoxdur, hətta yaxın deyil, ona görə də heç kim bunu etməyəcək" cavab verib.
ABŞ prezidenti 90 günlük tariflərin dayandırılması qərarını dünən səhər eyni iclasda verdiklərini ifadə edərək, "Tarif fasiləsinin bazarlara bu qədər təsir edəcəyini bilmirdim. Bu gün bazarlar gözəl bir gün keçirdi" deyib.
Çin Dövlət Başçısı Si ilə nə vaxtsa telefonla danışacağını ifadə edən Tramp həmkarını sevdiyini və hörmət etdiyini, lakin ABŞ-a yaxşı münasibət göstərmədiklərini müdafiə edib. Tramp bir daha bəyan edib ki, əgər ədalətli olarsa, Çin də daxil olmaqla, hər kəslə gömrük və ticarət müqavilələri bağlamağa hazırdırlar.
