Mayk Vals: Ukraynaya verdiyimiz dəstəyimiz əvəzini almağa layiqdi
ABŞ-ın milli təhlükəsizlik üzrə müşaviri Mayk Vals bəyan edib ki, ölkəsi Rusiya ilə vuruşan Ukraynaya verdiyi milyardlarla dollarlıq dəstəyin geri qaytarılmasına layiqdir.
Vals "Fox News Sunday" proqramında qiymətləndirmələr aparıb.
ABŞ-ın illərdir Rusiya-Ukrayna müharibəsinin yükünü öz üzərinə götürdüyünü bildirən Vals, ölkəsinin Ukraynaya verdiyi milyardlarla dollarlıq dəstəyin qarşılığını almağa layiq olduğunu söyləyib.
Vals Ukrayna prezidenti Volodimir Zelenskinin Ukraynanın nadir metalların yarısını ABŞ-a təhvil verməsini nəzərdə tutan sazişi qəbul etməsinin çox ağıllı olacağını söyləyib.
ABŞ prezidenti Donald Trampın bütün dinamikanı yenidən nəzərdən keçirdiyini vurğulayan Vals “Trampla birgə işləməkdən yaxşı təminat ola bilməz” deyib.
