Fransadan Avropa İttifaqına Tramp xəbərdarlığı
Fransanın baş naziri Fransua Bayrou Avropa Birliyinin (AB) və Fransanın ABŞ-ın 47-ci prezidenti seçilən Donald Trampın siyasətlərinə qarşı heç bir addım atmaması durumunda əziləcəklərini deyib.
Bələdiyyə işçilərinin yeni ilini qeyd etmək üçün Pau şəhərinə gedən Bayrou burada mətbuata açıqlama verib və Trampın prezidentliyi dövründə ABŞ siyasətlərinin necə həyata keçiriləcəyi ilə bağlı qiymətləndirmələr edib.
Baş nazir Bayrou Tramp və ABŞ-ın bütün araşdırmaları, o cümlədən ABŞ dolları və sənaye siyasətini nəzarətdə saxlayaraq, hər kəsin sərmayəsini əldə edərək hakim siyasətlər yürütməyə qərar verdiklərini bildirib.
Bayrou "Əgər bu siyasətlərə qarşı nəsə etməsək bizi sıxışdıracaqlar, əzəcəklər, görməzlikdən gələcəklər. Bu qərar fransızlar və avropalılar olaraq bizdən asılıdır. Çünki bunu Avropa Birliyi olmadan etmək mümkün deyil" deyib.
2024-cü ilin dekabrında Çinin xarici ticarət profisitinin təqribən 1 trilyon dollara çatdığını qeyd edən Bayrou, Fransa və Avropanın qarşısında ABŞ və Çin kimi iki məsələnin olduğuna işarə edib.
