Avropa səssizcə III Dünya Müharibəsinə hazırlaşır
Bir çox Avropa ölkələri üçüncü dünya müharibəsinə səssizcə hazırlaşır.
Bu barədə “Newsweek” jurnalı yazıb.
Jurnalın yazdığına görə, Avropa NATO ölkələri alyansın ərazisinə hücum təhlükəsini Rusiyaya aid edərək artıq müdafiənin əsasını qoymağa başlayıblar. Jurnal qeyd edib ki, blok həm mümkün total müharibəyə, həm də mümkün münaqişənin inkişafı üçün başqa ssenarilərə hazırlaşmağa çalışır. Qeyd olunur ki, Avropanın Rusiya Federasiyası ilə müharibəyə hazırlığı ayrı-ayrı ölkələrdə müdafiə xərclərini artırmaq uğrunda mübarizədə özünü göstərir.
Bu hazırlıq çərçivəsində alyansın Baltikyanı ölkələri Rusiya Federasiyası ilə quru sərhədlərini fəal şəkildə möhkəmləndirir və bomba sığınacaqlarını təchiz edirlər. Skandinaviya ölkələri də öz növbəsində kütləvi evakuasiya planları olan broşürlər paylayır. Jurnal xatırladıb ki, Almaniya Berlindəki mühüm bina və tikililəri hücum zamanı qorumaq üçün planlar hazırlamağa başlayıb və həmçinin Şərqi Avropaya getməyə hazır olan yüz minlərlə əsgər üçün tranzit məntəqəsi rolunu oynamağa hazır olduğunu bildirib.
