Hindistan Rusiya ilə ticarət balansını düzəltmək istəyir
Rusiya Federasiyası ilə Hindistan arasında ticarət balansını düzəltmək lazımdır, qeyri-tarif maneələri aradan qaldırılmalıdır.
Bunu Hindistanın xarici işlər naziri Subrahmanyam Caişankar Mumbayda keçirilən Rusiya-Hindistan biznes forumunda deyib.
“Rusiya və Hindistanın ticarət balansına təcili düzəliş lazımdır, çünki bu, birtərəflidir, bunun üçün qeyri-tarif maneələri və tənzimləyici maneələri mümkün qədər tez aradan qaldırmaq lazımdır. Gələcək bir neçə onillikdə 8% böyüməsi gözlənilən Hindistan ilə təbii ehtiyatların əsas təchizatçısı və əsas texnologiya lideri olan Rusiya arasındakı tərəfdaşlıq həm onlara, həm də bütün dünyaya fayda verəcək"” - deyə o bildirib.
