ABŞ Rusiyaya qarşı yeni sanksiyalar tətbiq edəcək
ABŞ-ın maliyyə naziri Janet Yellen Rusiyaya qarşı yeni sanksiyaları gələn həftə açıqlayacaqlarını bildirib.
Yellen qiymətləndirmələrini Beynəlxalq Valyuta Fondu (BVF) və Dünya Bankının illik toplantıları çərçivəsində keçirdiyi mətbuat konfransında verib.
Rusiyanın sanksiyalardan yayınması üçün tədbirləri davam etdirdiklərini ifadə edən Yellen, qarşıdakı həftə ərzində Rusiyaya, o cümlədən Rusiyaya hərbi baxımdan kritik töhfə verən üçüncü ölkələrdəki vasitəçilərə qarşı güclü yeni sanksiyalar elan edəcəklərini bildirib.
Yellen ABŞ-ın Yaxın Şərqdəki münaqişələrə cavab olaraq əlində olan bütün vasitələrdən istifadə etdiyini və bu ayın əvvəlində İranın İsrailə hücumuna cavab olaraq İrana təzyiqi artırmaq üçün əlavə addımlar atdıqlarını və İrana qarşı sanksiyalar tətbiq etdiyini bildirib.
Bölgədə sabitliyin artırılması üçün əllərindən gələni etməyə fokuslandıqlarını ifadə edən Yellen, Qəzzaya yardım axınını təmin etmək üçün çalışdıqlarını, israilli məskunlaşanlara qarşı sanksiyalar tətbiq etdiklərini və Fələstin bankları üçün həyati əhəmiyyət kəsb edən bank əlaqələrini davam etdirməsi üçün İsrailə təzyiq etdiklərini açıqlayıb.
Yellen qeyd edib ki, onlar İsrail Nazirlər Kabinetinin İordan çayının qərb sahilində iqtisadi sabitliyi dəstəkləmək üçün bölgədəki bankların müxbir bank əlaqələrini davam etdirmələri üçün istisnaları ayın sonuna qədər uzatmasını gözləyirlər.
Mənbə: AA
