Hunter Bayden vergidən yayınmada günahını etiraf etmək niyyətindədir
ABŞ prezidenti Co Baydenin oğlu Hunter Bayden ən azı 1,4 milyon dollar məbləğində vergidən yayınmada günahını etiraf etmək niyyətindədir.
AFN.az-ın xəbərinə görə, bu barədə NBC onun vəkili Ebbi Louelə istinadən məlumat yayıb.
Kaliforniya Mərkəzi Dairəsinin federal məhkəməsində iş başlayıb. NBC qeyd edir ki, dinləmədən əvvəl Hunter Baydenin vəkilləri prokurorluq nümayəndələri ilə görüşüblər. Təqsirləndirilən şəxsin ədalət mühakiməsi ilə bağlı mümkün sövdələşmənin hansı şərtləri ilə razılaşdığı və hakimin bunu təsdiqləmək niyyətində olub-olmadığı barədə hələlik məlumat verilməyib.
Televiziya şirkətinin qeyd etdiyi kimi, ittiham tərəfi ilə sövdələşmə, hakim tərəfindən təsdiqlənərsə, Hunter Baydenə açıq məhkəmədən yayınmağa imkan verəcək, bu zaman prokurorluq iyirmidən çox şahidi dindirmək niyyətindədir.
2023-cü il dekabrında Hunter Baydenə doqquz vergidən yayınma ittihamı elan edilib. Prokurorlar prezidentin oğlunun vergi ödəmək əvəzinə ekstravaqant həyat tərzinə milyonlarla dollar xərclədiyini düşünürlər. Onu 17 ilə qədər həbs cəzası gözləyə bilər.
