İtaliya: ABŞ prezidenti kim olursa-olsun, yaxşı əlaqələr saxlayacağıq
İtaliyanın baş nazirinin müavini və xarici işlər naziri Antonio Tajani ABŞ prezidenti Co Baydenin prezidentlik yarışından geri çəkilməsindən sonra ABŞ-ın növbəti prezidentinin kim olmasından asılı olmayaraq İtaliyanın ABŞ-la yaxşı münasibətlər saxlayacağını bildirib.
İtaliyanın ANSA agentliyinin xəbərinə görə, Tajani ictimai yayımçı RAI-yə verdiyi qiymətləndirmədə ABŞ-ın keçmiş prezidenti Donald Tramp administrasiyası ilə yaxşı münasibətlərə malik olduqlarını və hazırda Bayden administrasiyası ilə yaxşı işlədiklərini bildirib.
ABŞ-ı yaxın dost hesab edən Tajani, “Növbəti prezident kim olursa-olsun, Tramp və ya Kamala Harris, onların hər ikisi ilə yaxşı münasibət saxlayacağıq” deyib.
Tajani, Ursula fon der Leyenin Avropa İttifaqı (Aİ) Komissiyasının sədri vəzifəsinə ikinci dəfə seçilməsində İtalyan partiyalarının fərqli səsvermələrinin hökumətə təsir etməyəcəyini açıqlayıb.
İtaliyanın baş naziri Giorgia Meloni başçılıq etdiyi koalisiya hökumətinin AB çərçivəsində tərəflərin fərqli qərarlar alması səbəbindən sarsılmayacağını ifadə edən Tajani, bu fikir ayrılıqlarının iqtidar çoxluğuna və hökumətin fəaliyyətinə təsir etmədiyini vurğulayıb.
Qeyd edək ki, Meloni iyulun 19-da partiya qrupunun bu gün Avropa Parlamentində (AP) etimad səsverməsi alan və daha bir müddət üçün Aİ Komissiyasının sədri olmuş Von der Leyenə səs vermədiyini və bunun əvvəllər bəyan etdikləri mövqe ilə uyğun olduğunu açıqlamışdı.
