Bolqarıstan ruslara Şengen vizalarının verilməməsi ilə bağlı xəbərləri təkzib edib
Bolqarıstanın Rusiyadakı səfirliyi Rusiya Federasiyasında Şengen vizalarının verilməsində gecikmələr barədə mətbuatda yayılan məlumatları təkzib edib.
AFN.az-ın xəbərinə görə, bu barədə TASS-a diplomatik nümayəndəlikdən məlumat verilib.
"Bolqarıstanın Rusiyadakı səfirliyinin konsulluq şöbəsi məlumat verir ki, Bolqarıstan ruslara Bolqarıstana və bütün Şengen ölkələrinə səyahət üçün etibarlı olan Şengen vizaları verir", - səfirlikdən bildirilib.
Daha əvvəl məlum olmuşdu ki, "AirBaltic" əməkdaşları rusiyalı şəxsin Şengen vizası olmasına baxmayaraq İstanbuldan Riqaya uçan təyyarəyə buraxılmaqdan imtina ediblər. Vizaları olan ruslara yalnız reysi getdikdən sonra icazə verilib.
