"Qarabağ" bu futbolçularla müqaviləni yenilədi
"Qarabağ" iki yerli futbolçusu ilə müqaviləsinin müddətini uzadıb.
AFN.az-ın xəbərinə görə, bununla bağlı məlumatı klubun mətbuat xidməti yayıb.
Açıqlamada bildirilir ki, Nəriman Axundzadə ilə yeni müqavilə imzalanıb. 20 yaşlı hücumçu ilə yeni anlaşma 2028-ci ilin iyununa qədər uzadılaraq 4 il müddətini əhatə edir.
"Qarabağ"ın yeni müqavilə imzaladığı digər oyunçu da yerlidir. Belə ki, klub 27 yaşlı müdafiəçi Bəhlul Mustafazadə ilə də müqavilənin müddətini daha 3 il müddətinə uzadıb.
Bəhlul Mustafazadə 2027-ci ilin yayına qədər "Qarabağ"da forma geyinəcək.
