Aİ İrana qarşı yeni sanksiyalar növü təklif edib
Avropa Parlamentinin (AP) Belçikadan olan üzvü Assita Kanko İranın aprelin 13-dən 14-nə keçən gecə İsrailə hücumu ilə əlaqədar Tehrana qarşı yeni sanksiyaların tətbiqinə çağırıb.
Parlamentari Avropa diplomatiyasının rəhbəri Cosef Borrellə müraciətində ölkəyə ballistik raketlərin yaradılması üçün komponentlərin tədarükünə qadağa qoyulmasını nəzərdə tutan yeni sanksiyalar növü təklif edib.
“İranın İsrailə raket hücumundan sonra Komissiyanın vitse-prezidenti/Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Cosef Borrell İrana qarşı əlavə AB sanksiyaları təklif etmək niyyətindədirmi? İranın HƏMAS-a dəstəyinə görə son aylarda mümkün sanksiya kimi müzakirə edilən, lakin Aİ üzvü dövlətləri tərəfindən hələ razılaşdırılmamış ballistik raket komponentlərinin ölkəyə idxalına qadağa qoyula bilərmi?" – deyə deputat soruşub.
Aprelin 13-dən 14-nə keçən gecə İran İsrailə 185 pilotsuz uçuş aparatı, 36 qanadlı raket və 110 yer-yer raketi atıb. Tehran bu hərəkətləri Dəməşqdə diplomatik missiyasına vurulan zərbəyə cavab adlandırıb.
