Yeni Zelandiya Rusiyaya yeni sanksiyalar paketini açıqlayıb
Yeni Zelandiyanın xarici işlər naziri Uinston Peters Rusiyaya yeni sanksiyalar paketinin tətbiq edildiyini açıqlayıb.
Bu barədə idarə rəisinin fevralın 29-da ölkə hökumətinin saytında dərc olunmuş bəyanatında deyilir.
Yeni sanksiyalar Rusiya neftinin qiymətlərinə və bir sıra malların üçüncü ölkələr vasitəsilə Rusiya və Belarusa ixracına təsir edəcək. Rusiya vətəndaşları və müəssisələri ilə bağlı da maliyyə və iqtisadi məhdudiyyətlər tətbiq edilib.
Yeni Zelandiya 45 Rusiya vətəndaşına və Rusiya müdafiə sənayesi üçün texnologiyanın alınması da daxil olmaqla məhdudlaşdırıcı tədbirlərdən yayınmada iştirak edən 16 təşkilata qarşı sanksiya tətbiq edib.
Sanksiya siyahısına Yeni Zelandiya hökumətinə qarşı Şimali Koreyadan silah almaqda iştirak edən şəxslər də daxil edilib.
2022-ci ilin fevralından bəri Yeni Zelandiya Rusiya bizneslərinə və vətəndaşlarına qarşı 25 dəfə sanksiya tətbiq edib.
