GSM gənclər üçün biznes təlimləri həyata keçirdi
GSM (Gənclərin Sosial Tərəfdaşlığı Mərkəzi) gənclər üçün 6 aylıq biznes təlimləri həyata keçirib. 21 fevral-21 avqust tarixləri arasında hibrid formada davam edən “Gənclərin Biznes Emalatxanası” adlı layihə gənclər tərəfindən xüsusi maraqla qarşılanıb.
“Gənclərin biznes emalatxanası (Youth Business Workshop)” adlanan layihənin məqsədi peşə təhsil mərkəzlərində təhsil alan gənclərin biznes bacarıqlarının inkişaf etdirilməsi və sahibkarlıq fəaliyyətinə təşviq olunması, özünüməşğulluğunun təmin edilməsi, mikro və kiçik sahibkarlar arasında peşə təhsili almış gənclərin sayının artırılması, yeni biznes təşəbbüslərinin dəstəklənməsi və peşə təhsilinə marağın artırılması olub.
